واني اطلك بهمي صار سنتين
تزوجني الحزن بس ما شرالي البيت
بخيمه وعشت عالحسرات والبين
جبت منه جرح يصرخ طلع جوعان
رضع فرحة شبابي وأدمع العين
كافي ياحزن طلكني خل ارتاح
خل ارجع البيتي العازني سنين
عشنه ايام ذله والصبر طال
عسانه من زمان وكون ميتين
الموت احسن على كلمن غصب شال
وترك بيت وترك كاع وبساتين
وترك ديره عزيزه وفارك احباب
وترك ماضي جميل وناس طيبين
ليست هناك تعليقات:
إرسال تعليق